Ширењето на другарството и запознавањето на
другарчиња од други држави отсекогаш било предизвик за секое дете. Секој од нас
кога бил дете напишал писмо до непознато другарче, истото го проследил и со
нетрпение го чекал одговорот.
Денес таа
комуникација е многу полесно остварлива. Благодарение на електронските мрежи
постои можност да допреме и запознаеме деца и места кои се навистина многу
километри оддалечени од нас.
За таа цел
учениците од второ одделение пишуваа писмо до непознато другарче, преку кое писмо
накусо го запознаа непознатото другарче и со убавините на нашата татковина
Република Македонија. Нашите можности се мали, бидејќи сме само второ
одделение, но бидејќи чекориме со широко отворената мисла и големиот ум, желбата
е голема да покажеме како ние со помош на нашите родители успеавме да го
пренесеме сето тоа, испреплетено со куси презентации, како и флаери и писма.
Останува
нишката на предизвик за ширење на другарството и запознавањето на нови
другарчиња ширум светот и во наредните генерации ученици кои доаѓаат во нашето
училиште.
